Інтэрнэт у Наваградку і Наваградак у інтэрнэце

Гэты артыкул прысвечаны гісторыі развіцця інтэрнэту ў Навагрудку, а таксама людзям, якія прымалі ўдзел у стварэнні інтэрнэт-сайтаў пра наш горад. Дзякуючы ім наш горад стаў вядомым ў інтэрнэт - прасторы.
Пачнем з таго, што ў нашым горадзе, жыў і працаваў чалавек, якога завуць Артур Гапановіч.


Нарадзіўся і вырас ён у Навагрудку. У 1984 г. скончыў сярэднюю школу № 5 і пайшоў вучыцца ў СПТУ № 193, на наступны год яго скончыў. У 1985 г. паступіў у БПІ (Беларускі дзяржаўны палітэхнічны інтытут). Затым з 1985 па 1987 служыў у войску ў горадзе Рызе. Таму БДПІ скончыў толькі ў 1992г.


У студэнцкія гады захапляўся музыкай, і нават быў адным з заснавальнікаў гурта з цікавай назвай “Ы-Ы-Ы”. Пісаў вершы і музыку. Зараз песні гэтага гурта знаходзяцца на беларускім музычным сайце http://music.fromby.net
З 1992 па 2005 г.г. Артур працаваў майстрам, а потым начальнікам ПТО ў ДРСУ-189 Навагрудка.
Сёння Артур жыве і працуе ў Мінску, ён жанаты, і ў яго расце сын.
… Пра ўсё астатняе вы даведаецеся з маей і яго размовы.



Ірына: Артур, я ведаю, што ты быў адным з першых, хто зрабіў сайт пра наш горад. Я хацела бы ведаць, што цябе да гэтага прывяло, або паўплывала на твае дзеянні?

Артур: Справа была так... Як толькі ў нашым горадзе з'явіўся доступ у інтэрнэт па нумары 600-100, я пайшоў да шэфа (кіраўніка ДРСУ), і сказаў: «Трэба да сеткі далучацца!» (...нагадаю, гэта быў 1999-2000 год)

Ірына: Нічога сабе, так даўно!!!

Артур: Што даўно, то праўда! Неяк сама сабою прыйшла думка: трэба наш горад у сетцы прадставіць, і з самага лепшага боку. Паколькі я даўно сябраваў з кампутарам і быў адным з першых у хвалебным горадзе Навагрудку, хто займаўся здымкай відэа і ўжыў кампутарную апрацоўку, то вырашыў я сур’ёзна заняцца інтэрнэтам.

Ірына: А дзе ты браў інфармацыю пра гісторыю горада, старыя фотаздымкі?

Артур: Была ідэя, потым, трэба было нешта рабіць... Я пайшоў па музеях, фатаграфаваў усё, слухаў, але гэта было падобна на турызм… Тады я вырашыў знайсці ў сетцы што-небудзь гэтакае…

Ірына: А час дзе знаходзіў? Ты ж працаваў?

Артур: Час у мяне быў толькі у выхадныя дні.

Ірына: А дзе грошы браў?

Артур: Сайта novogrudok.by яшчэ не было. Мне ў музеі сказалі, што ёсць сайт па гісторыі (Замкавая гара).
А пра грошы - прыйшлося крэўныя плаціць, бо адказ быў адзін – сайт пра горад ужо ёсць і што вам яшчэ трэба...

Ірына: Гэта значыць, ідэя стварыць сайт захапіла табе цалкам?

Артур: Менавіта так!

Ірына: А хто цябе навучыў web-праграмаванню?

Артур: Web-праграмаванню я вывучыўся сам, як і гульні на гітары, я і дагэтуль не ведаю нот і не ведаю, што такое” php” і ”апачы”…

Ірына: Выдатна! Ты проста малайчына! Ты ствараў сайт горада сам, альбо табе хто-небудзь дапамагаў?

Артур: Сам. Я зарэгістрыраваў дамен www.novogrudok.com і сайт жыў тут год, потым скончыліся грошы, і партал сыйшоў у бясплатны хостынг.


Ірына: А над чым ты зараз працуеш?

Артур: Апошнюю сваю працу я заўжды трымаю ў сакрэце! Але вы можыце поглядзець мае сайты:
http://novofoto.narod.ru (самы першы мой сайт пра Наваградак)
http://www.fotomix.ucoz.ru (тут збор фотасправаздач з паходаў)
http://artgapan.livejournal.com (мой ЖЖ)

Ірына: Добра.
А што ты можаш сказаць пра тваё захапленне фатаграфіяй?

Артур: Раней у мяне быў фотаапарат Зеніт, потым лічба Мінольта.

Ірына: А зараз у цябе які фотоапарат!!!
Артур: А зараз люстэрка Nikon. Я гэтаму вельмі рады і выціскаю з яго усё, што магчыма!

Ірына: Так, я ўжо бачыла ў нэце тваі сайты з фотаздымкамі!!!

Артур: ...Мне Nikon з штатаў сябар прывёз...

Ірына: Табе пашчасціла!

Артур: Ну не пашчасціла... я нагрузіў яго лішні раз. Аднойчы я яму кажу: “Краіна цябе не прыме без Ніконыча!” Ён і прывёз… Так што фатаграфіяй я працягваю захапляцца. Усе апошнія маі работы можна паглядзець на сайте:
http://www.fotokritik.ru/member/?member_id=2112
На гэтым мая размова з Артурам скончылася.

І раптам мне ўспомніліся радкі з рамана Л. Талстога "Вайна і мір":
"...Пакінем мёртвым хаваць мёртвых, а пакуль жывы, трэба жыць і быць шчаслівым." Андрэй Балконскі том 2 частка 3 гл. 19

Ірына Лазарава
Фотаздымкі Артура Гапановіча

Internet у бібліятэках Навагрудчыны

7 снежня ў Цэнтральнай раённай бібліятэцы Г.Навагрудка адбыўся семінар па тэме: “Стратэгія развіцця бібліятэк у інфармацыйным грамадстве”, у якім прынялі ўдзел бібліятэкары гарадскіх і сельскіх бібліятэк.


Адкрыла семінар Таццяна Мікалеўна Мішкіна– дырэктар Цэнтральнай бібліятэчнай сістэмы. Тэма яе даклада: “Адзіная інфармацыйная прастора. Роля сучаснай бібліятэкі ў яе развіцці”


Самай галоўнай падзеяй семінара было выкарыстанне высокахуткага ІНТЭРНЭТА. Такую магчымасць далі удзельнікам семінару супрацоўнікі маркетынгавага аддзелу Белтэлекаму.

Супрацоўнік маркетынгавага аддзела Уладзімір Аляксандравіч Лашукевіч расказаў пра “высокія тэхналогіі” і зрабіў даклад з прэзентацыяй па тэме: “Сродкі і сістэмы тэлекамунікацыі і сувязі. Інтэрнэт-тэхналогіі”. Уладзімір Лашукевіч расказаў пра магчымасць зрабіць сетку паміж бібліятэкамі аграгарадкоў і цэнтральнай бібліятэкай горада, а так сама пра перспектывы выкарыстання высокахуткаснага Інтэрнэта ў будучыні.


На сённяшні дзень высокахуткасны Інтэрнэт ёсць ужо ў Нягневічах, Любчы, Уселюбе. І ў перспектыве плануецца ахапіць увесь Навагрудскі раён сеткай высокахуткаснага Інтэрнэту.


Дакладчыкамі на семінары былі Алена Мікалаеўна Капіца - дырэктар Рэспубліканскага публічнага цэнтра прававой інфармацыі Гродзенскай вобласці, якая прачытала даклад “Прававая інфармацыя грамадства. База дадзеных “Эталон” і Алена Мікалаеўна Прошкіна - загадчык аддзела аўтаматызацыі ДУК “Гродненская абласная бібліятэка імя Я. Карскага” – “Аутаматызацыя бібліятэчна-бібліяграфічнага абслугоўвання. Арганізацыя доступа да электронных інфармацыйных рэсурсаў”.


Супрацоўніца раённай бібліятэкі Ірына Лазарава зрабіла даклады практычнага характару “Электронныя бібліятэкі як элемент інфармацыйнага грамадства” і “Асаблівасці выкарыстання Інтэрнэт у бібліятэчнай практыцы”. Тут byfly прадстаў “ва ўсёй красе!”, прысутныя змаглі ўбачыць, як выглядзяць электронныя бібліятэкі (http://thelib.ru/ - электронная бібліятэка Thelib.ru, http://library.by/ - Беларуская лічбавая бібліятэка, http://lib.aldebaran.ru/ - бібліятэка Альдебаран.ru і мн. др.)
Вельмі цікавы даклад “Медыатэхналогіі – шлях ў будучае сучасных бібліятэк” зрабіла Алена Валер’еўна Макарэвіч, галоўны бібліёграф цэнтральнай раённая бібліятэкі. Даклад меў практычны характар, мажна было не толькі ўбачыць і пачуць мульцімедыатэхналогіі, але і пагуляць у гульню “Жывая планета”, дзе трэба было дапамагчы дзяўчынцы Валі выратаваць нашу планету Зямля ад іншапланецян, а таксама даведацца пра навуку ЭКАЛОГІЮ.
Напрыканцы семінара Галіна Станіславаўна Астроўская расказала пра “Фарміраванне інфармацыйнай культуры асобы – місія бібліятэк”
Закрыла семінар Таццяна Мікалаеўна Мішкіна, якая падвяла вынікі і выказала падзяку ўсім удзельнікам семінара.


Ірына Лазарава